ახლო აღმოსავლეთში მზარდი დაძაბულობის ფონზე, მსოფლიო ენერგეტიკული ბაზრის სტაბილურობის შესანარჩუნებლად შესაძლოა სტრატეგიული მარაგები გამოიყენონ. “დიდი შვიდეულის” (G7) ფინანსთა მინისტრები აცხადებენ, რომ მზად არიან გამოიყენონ ნავთობის სტრატეგიული რეზერვები, რათა მხარი დაუჭირონ გლობალურ ენერგომომარაგებას. ორშაბათს გამართულ ვირტუალურ შეხვედრაზე მინისტრებმა განიხილეს რეგიონული კონფლიქტის გავლენა ფინანსურ ბაზრებზე და უსაფრთხო სავაჭრო გზების მნიშვნელობა. აღნიშნულ განხილვაში მონაწილეობდნენ საერთაშორისო სავალუტო ფონდის, მსოფლიო ბანკისა და ენერგეტიკის საერთაშორისო სააგენტოს ხელმძღვანელებიც. მინისტრების განცხადებით, ისინი გააგრძელებენ ბაზარზე დაკვირვებას და კოორდინირებულ ნაბიჯებს გადადგამენ საერთაშორისო პარტნიორებთან ერთად. ბაზარზე არსებული გაურკვევლობის ფონზე, რაც ირანიდან მომარაგების შესაძლო შეფერხებას უკავშირდება, ნავთობის ფასები მკვეთრად გაიზარდა, თუმცა ინფორმაციამ რეზერვების შესაძლო გამოყენების შესახებ ფასების ზრდის ტემპი გარკვეულწილად შეანელა. ანალიტიკოსების პროგნოზით, თუ ჰორმუზის სრუტეში ნავთობის ნაკადი შეფერხდება, ფასი შესაძლოა ბარელზე 130 დოლარსაც კი გასცდეს.
წყარო: Investing.com
