Nvidia-ს შიდა თანამშრომლებმა გასული წლის განმავლობაში კომპანიის აქციები 1 მილიარდ დოლარზე მეტის ოდენობით გაყიდეს, განსაკუთრებით ბოლო ვაჭრობებში, როცა ხელმძღვანელემა ისარგებლეს ინვესტორების მზარდი ინტერესით ხელოვნური ინტელექტის მიმართ — ამის შესახებ კვირას Financial Times-ი იუწყება.
ანგარიშის თანახმად, აქციების გაყიდვებიდან 500 მილიონ დოლარზე მეტი მიმდინარე თვეში განხორციელდა, მას შემდეგ რაც კალიფორნიაში დაფუძნებული ჩიპების მწარმოებლის აქციების ფასმა ისტორიულ მაქსიმუმს მიაღწია.
SEC-ის განცხადების თანახმად, Nvidia-ს აღმასრულებელმა დირექტორმა ჯენსენ ჰუანგმა მიმდინარე კვირაში დაიწყო აქციების გაყიდვა, პირველად სექტემბრის შემდეგ.
Nvidia-ს აქციებმა რეკორდულ დონეს მიაღწია ოთხშაბათს, და კომპანიამ კვლავ დაიბრუნა მსოფლიოს ყველაზე ძვირადღირებული კომპანიის ტიტული, მას შემდეგ რაც ერთ-ერთმა ანალიტიკოსმა განაცხადა, რომ ჩიპების მწარმოებელი ე.წ. “ოქროს ტალღას” გაყვებოდა ხელოვნური ინტელექტის ზრდაში.
მიმდინარე ზრდა ასახავს აშშ-ს საფონდო ბირჟაზე დაბრუნებულ “AI-ვაჭრობას”, რომელმაც ბოლო წლებში უზარმაზარი მოგება მოუტანა ჩიპების მწარმოებლებსა და დაკავშირებულ ტექნოლოგიურ კომპანიებს, ტექნოლოგიის პერსპექტივების მიმართ ოპტიმიზმის გამო.
Nvidia-მ უარი თქვა კომენტარზე FT-ის ანგარიშთან დაკავშირებით.
Reuters-მა ვერ შეძლო დაუყოვნებლივ დაედასტურებინა ეს ინფორმაცია.
Nvidia-ს აქციების ფასი 60%-ზე მეტად გაიზარდა 4 აპრილის მინიმუმიდან, როცა უოლ-სტრიტი შოკში იყო პრეზიდენტ დონალდ ტრამპის გლობალური ტარიფების შესახებ განცხადების გამო. აშშ-ის აქციები, მათ შორის Nvidia-ც, კვლავ გაიზარდა იმ მოლოდინზე, რომ თეთრი სახლი სავაჭრო შეთანხმებებს მიაღწევდა ტარიფების შესარბილებლად.
